..  Katangian ng Pagsubaybay at Ebalwasyon Pakahulugan at Kahalagahan sinulat ni Phil Bartle isinalin ni Joyce Zaide .  .Materyales o Handawt sa Pagsasanay.  .. Ipinapaliwanag nito kung ano ang pagsubaybay at ano ang kahalagahan nito .. Ano ang Pagsubaybay? .. Ang pagsubaybay ay ang regular na pag-oobserba at pagtatala ng mga aktibidades na nagaganap sa proyekto o programa. Ito ang proseso kung saan ang impormasyon ay regular na kinakalap sa lahat ng aspeto ng proyekto.  . Ang pasubaybay ay ang pagsisiyasat ng progreso ng proyekto. Ito ay ang sistematiko at makahulugang pag-oobserba. .. Kabilang sa pagsusubaybay ang pagbibigay ng ulat sa mga donor, taga-implementa at benepisyaryo ukol sa progreso ng proyekto.  . Nakakatulong ang pag-uulat na magamit ang impormasyong nakalap sa pagdedesisyon kung paano mapapabuti ang pagsasakatuparan ng proyekto. .. Kahalagahan ng Pagsubaybay .. Ang pagsusubaybay ay napakahalaga sa pagpaplano at pagsasagawa ng proyekto.  . Maihahantulad ito sa pagmamasid sa daanang tinatahak mo habang ika'y nagbibisikleta; Iaakma mo ang iyong pagbibisikleta depende sa sitwasyon at para masigurong nasa tama kang daanan. .. Ang pagbsubaybay ay nagbibigay ng impormasyong makakatulong sa:  Pagsusuri ng sitwasyon sa pamayanan at ng proyekto;  Pagtitiyak na ang mga kontribusyon sa proyekto ay nagagamit nang mabuti;  Pagtutukoy ng mga problemang kinakaharap ng pamayanan o ng proyekto, kasama ang paghahanap ng solusyon sa mga ito;  Pagtitiyak na ang lahat ng aktibidades ay naisagawa nang maayos ng mga nararapat na tao at sa tamang oras;  Paggamit ng mga aral na natutunan sa susunod pang mga proyekto; at Pagsusuri kung ang pagpaplanong ginamit sa proyekto ay ang pinakatamang paraan sa paglutas ng problemang kinakaharap.    ––»«––

..

Pagsasanay o Workshop sa Pamayanan ukol sa Pagsusubaybay:

.. .