Traducións:
Arabic
Bahasa Indonesia
Chinese
English
Español
Filipino
Francais
Greek
Hindi
Japanese
Malay
Polski
Português
Romãnã
Thai
Urdu
Outros formatos:
Texto
Power Point
Outras páxinas:
Módulos
Mapa do sitio
Palabras clave
Contacto
Documentos útiles
Enlaces de interese
ORGANIZARSE PARA A ACCIÓN
Roles e responsabilidades
polo Doutor Phil Bartle,
traducido por Nahir Seijo
Caderno de formación
Un grupo pode organizarse de diferentes xeitos con distintos propósitos; busque o mellor sistema organizativo para a acción comunitaria efectiva
Moita xente non é consciente dos diversos tipos de organización, con distintos propósitos, empregados por un activista.
- a organización para a toma de decisións; e
- a organización para a acción.
Cando vostede axudaba á comunidade na formación do comité executivo, estaba organizando para a toma de decisións comunitarias.
Agora, cando traballa coa comunidade para decidir quen fai que cousa (por exemplo, no proxecto), está organizando para a acción. Ver Organizar por medio da formación.
Aínda que haberá solapamento, a organización para a acción deberá identificar a certos individuos para que leven a cabo tarefas específicas. Isto é esencial.
Se se determina unha tarefa (por exemplo, transportar pezas para os tellados ao lugar do proxecto), non debería deixarse para que o faga o grupo en conxunto. Podería ocorrer que non se chegara a facer, xa que todos poderían pensar que é responsabilidade doutro.
Non deberían recaer nunha mesma persoa un feixe de traballos; por exemplo, no presidente da executiva. É importante delegar o maior número de tarefas e responsabilidades en tantos outros membros da comunidade (especialmente os que non forman parte da executiva) como sexa posíbel.
Faga fincapé na importancia dunha participación e contribución o máis grandes e amplas que se poida. Asegúrese de que todo o mundo teña coñecemento de cando un traballo ou responsabilidade sexa delegado a alguén e de que, de non rematalo a tempo, esa persoa pode ter que rendir contas ante a comunidade.
A acción comunitaria (que vostede facilita) non debería ser espontánea ou «ad hoc» (é dicir, para un fin específico). Debería estar organizada.
––»«––
Taller de traballo; formando para a acción
 |