Traducións:
Arabic
Bahasa Indonesia
Bulgarian
English
Español
Filipino
Francais
Greek
Italiano
Japanese
Kiswahili
Português
Romãnã
Russian
Thai
Urdu
Outros formatos:
Texto
Power Point
Outras páxinas:
Módulos
Mapa do sitio
Palabras clave
Contacto
Documentos útiles
Enlaces de interese
ORGANIZARSE PARA FORTALECERSE
Acrecenta-la capacidade mediante a organización
polo Doutor Phil Bartle
traducido por Nahir Seijo
Caderno de formación
Cando os demais factores son iguais, é o nivel de organización o que determina a forza
Aínda que hai moitos factores que contribúen ao fortalecemento, á capacidade, ou á potenciación, o que máis importa ao activista é a «organización».
Se os demais elementos son iguais, o nivel e efectividade da organización define a forza do grupo, axencia ou comunidade.
Poñamo-lo exemplo dun equipo de fútbol. Se temos dous equipos de fútbol co mesmo número de xogadores, que contan coa mesma habilidade, condición física, e tecnoloxía (a calidade das zapatillas, por exemplo), serían iguais. Poñamos por caso que un dos equipos non está organizado: non hai repartición de traballo, coordinación, nen unha estrutura xerárquica apreciábel. O outro equipo está organizado: ten un adestrador con autoridade,e distintos roles para o porteiro, laterais esquerdos e dereitos, dianteiros, e demais postos.
Cando os demais factores son idénticos, o nivel de organización determina a forza. Cada membro do equipo ten unha tarefa distinta e lévano á práctica xogando en conxunto (cando pasan o balón, por exemplo). Neste caso vese ben que o segundo equipo é máis poderoso, ten máis forza e capacidade que o primeiro, aínda que compartan o resto das características.
Mellor organización leva consigo máis capacidade. Pasa o memo coas sociedades.
Tome este exemplo (non pola historia que encerra, senón polo principio sociolóxico). O pobo Akan, no oeste de África, espallouse rapidamente durante os séculos XVI e XVII, e pronto conquistaron aos Guans, que os precedían. Contaban con tecnoloxías moi semellantes (incluíndo as armas), como tamén o eran outras características.
Pero os Guan eran unha sociedade patrilineal e vivían en liñaxes espalladas, mentres que os Akan eran matrilineais, de xeito que organizaban os distintos clans en alianzas funcionais, vivindo en asentamentos concentrados, e desempeñando cada clan un papel diferente nas guerras (vangarda, flanco dereito e esquerdo, retagarda, avituallamento, e altos mandos) e tendo unha organización de estado.
Do mesmo xeito que na organización do equipo de fútbol, cando os demais factores son iguais (tecnoloxía, habilidades), o sistema máis organizado (os Akan, cuxo epítome foron os Ashanti) gañou ao menos organizado.
O que lle interesa a vostede, como activista, é que o seu obxectivo de fortalecer unha comunidade de baixos ingresos consiste en axudar ao seu grupo de destino a organizarse conscientemente para lograr maior efectividade.
Non constitúe vostede a executiva dunha OBC para o seu beneficio propio, nen para axudalos a escoller presidente, vicepresidente, secretario, e tesoreiro, simplemente para posuír fermosos títulos. Axúdaos a que se organicen, se organicen mellor, ou reorganicen para a acción efectiva; para fortalecelos. Mellora-la organización aumenta a forza.
Outros módulos guiarano no tocante á organización. Sexa consciente de por qué organiza (con qué finalidade?) e deixe que os membros do grupo de destino participen como compañeiros neste noble esforzo (a potenciación de comunidades con baixos ingresos).
––»«––
Organización da comunidade
 |